Prěnička Nawkec dwójnikow „moje druhe ja“ w LND wušła

Nawkec bratraj Benjamin a Maksymilian mataj, kaž drje to pola dwójnikow husto nadeńdźeš, tójšto zhromadneho. Njewšědne, tež za dwójnikow, pak je, zo wobaj ze zahoritosću basnitaj. Hižo jako gymnaziastaj staj prěnje basnje spisałoj a z toho časa tež prawidłownje w Rozhledźe wozjewiłoj. Zo staj so rozsudźiłoj swoju prěnju zběrku basnjow zhromadnje zapodać, njebě tuž překwapjace. Zawěrno překwapjace pak bě, zo njejstaj kóždy swoju, ale zhromadnu prěničku zestajiłoj, štož je absolutny nowum ... [ dale ]

Baseń z "konopeja" skomponowana

Feliks Brojer z Budyšina wudoby sej na kompozitoriskim wubědźowanju Zwjazka serbskich spěwarskich towarstwow prěnje a druhe městno. Jeho kompozicija „Wuznaće“ přeswědči čłonow serbskich chórow na mytowanskim koncerće (njedźelu 19. februara) na žurli Serbskeho ludoweho ansambla w Budyšinje, runje tak kaž znowawobdźěłana „Strowa sy Marija“. Baseń "Wuznaće" je wot Štefana Zarjeńka, ju namakaće tež pola nas na literarnym konopeju. [ dale ]

Literarny adwent 2011 …

Mytowanje běži...

... to rěka, jury literarneho wubědźowanja Załožby za serbski lud čita a čita a čita. Za literarne wubědźowanje młodych pisacych bu 41 přinoškow zapodate, mjez nimi 4 delnjoserbske. Najwjace su so pospytali w lyrice a krótkej prozy. Za kategoriju „dlěša proza a dramatika“ bu jenož pjećina dźěłow zapodata. Jury smě 7 mytow spožčić, kiž su dotěrowane z hač do 600 eurami. Najlěpši wuznamjenja so 9. decembra.

Literarne wubědźowanje

LND a Załožby za serbski lud 2011
Namołwjamy wšitkich młodych pisacych so pjera jimać. Pisajće wo našim času, wo ludźoch, wo swojich wobkedźbowanjach, nazhonjenjach, zetkanjach, wo swojich strachach a sonach!
Termin wotedaća: 1. nowember 2011 (płaći póštowy kołk) [ dale ]

Erotiska premjera połny wuspěch

„Zady našoh kompeja abo Hdyž so kachle čumpaja“ – to běše tema zabawneho programa dokoławokoło serbskeje erotiki we wobłuku sobotnišeho wječora IX. Mjezynarodneho folklorneho festiwala 09.07.2011 w Chrósćicach. (foto: LydJaw) [ dale ]

„Zady našoh kompeja...

abo Hdyž so kachle čumpaja“ Kak su Serbja poprawom wjace hač 1000 lět potłóčowanja přežiwili? Potajnstwo serbskich přežiwjenskich strategijow leži snano w lubosći. Zo tomu po wšěm zdaću woprawdźe tak je, dožiwiće spěwajo, rejujo a hrajo we friwolnym programje „Zady našoh kompeja...“ sobotu 9. julija, wječor 23 hodź. na Šołćic dworje w Chrósćicach. [ dale ]

„Čorny lěs“ wuskušili (fota a zwuki!)

K 4. razej přeprosy literarny konopej – forum serbskich pisacych w swjatojanskej nocy, zašły pjatk na čitansku nóc do Hornjeho Hajnka. Kaž hižo zašłe tři razy, wočakowaše lubowarjow serbskeje literatury tež lětsa zaso wosebitostka. „Směće zaso jónu wćipni być na premjeru, dźensa samo prapremju“ witaše Madleńka Šołćic, iniciatorka literarneho konopeja hosći na Budarjec dworje. [ dale ]

»Čorny lěs« woła

Literarny konopej přeprošuje na swoju štwórtu čitansku nóc, tónle raz woprawdźe w swjatojanskej nocy 24. junija 2011, wječor napoł dźewjećich do Hornjeho Hajnka. We wjesce, w kotrejž je nocy „ćma kaž w pjecy“, chcemy z Wami zhromadnje čitajo při wohenju a pućujo po lěsu za slědami w "Čornym lěsu" pytać. [ dale ]

Dźěłarnička za młodych pisacych/awtorow

Ludowe nakładnistwo Domowina wupisa wosom městnow za dźěłarničku, kotraž wotměje so 17. a 18. septembra 2011 w domje Měrćina Nowaka-Njechorńskeho w Njechornju.
Kóždy wobdźělnik dźěłarnički změje poboku mentora, kiž z nim intensiwnje na teksće dźěła. Ćežišća su mj. dr. stilistika, powědanske perspektiwy, wuwiće figurow, swójski rukopis. Mentorojo su lektorojo LND kaž tež serbscy awtorojo z nazhonjenjom na polu lektorstwa abo jako wudawaćel. [ dale ]

20 lět Smolerjec kniharnja

Dźensa před 20 lětami, 4. měrca 1991, bu na Pšalekowej 20 Smolerjec kniharnja wotewrjena. Wjace wo stawiznach kniharnje zhoniće na internetnej stronje LND. Što sej tam wšo kupić móžeće, zhoniće jenož, hdyž sej tam doběhnjeće - do domu nakładnistwa, w kotrymž je dźensa kniharnja zaměstnjena.
Wčera wotmě so narodninske "nócne čitanje" a Měrana Cušcyna je slědowacu baseń na našu sławnu kniharnju spisała:
Knižna wačka wačok ma a pišpota: tři žiwjenčka ja mam... [ dale ]

Starše nowostki …

… namakaće tu w našim archiwje.