Korjenje

Tu so ja tebi jako póda podam

twoje korjenje ćěr do

mojich nutrin zasadź so

njech tebi žiwnosć sym a poddan

Twoju kožu škropawu mje dótkajo

pytnu kak sej pytaš puć

přeco hłubšo do mnje nutř

ryješ so do ćěła mojeho

Krasnje trónowaca króna narostła

hdźež maš pyšnych ptakow spěw

a płody z praw' a lěw'

ale wšitko so tebi wotšćipa

Preč hižo to dobre a to bytostne

so pak dale žiwić chceš

dokelž na mni kruće stej'š

płody narostu ći snadnuške

Twoja króna njej' wjac' majestetiska

łopjena žno šěruške

ptakow spěwy ćeńkuške

wupłód so ći tola zešćipa

Ty pak dale wutki ze mnje wučerpaš

płody nosyš skažene

kotrež nichtón njewozmje

tuž je znite na mnje wotmjetaš

Něhdy zdónk, nětko jenož hišće kij

wotpadali łopjena

wotlećała ptačina

jeno ja hišće zwostanu ći

Naposled so mój jěd w tebi zhusći

na mary so kładu ja

tebje pódla połoža

a pusta zemja korjeń pušći