wróćo k přehladej

06.01.2009

Strowe nowe lěto …

… a hody su nimo. A tohodla je naš dohodowny kwis tež zakónčeny, my smy so jara přez waše wobdźělenje wjeselili. Cyłkownje je 24 zmužitych swoju wědu k serbskej literaturje hač do kónca pruwowało a so na wulosowanju wobdźěliło. A sydomjo z nich měješe samo na wšitke prašenja prawu wotmołwu. Sće sej móhli na kóncu kwisa knihu wuzwolić, kiž byšće rady dobyli – a hlej: při tym so wustaji, zo je mjez wami najwoblubowaniša kniha „Njebjesam blisko“ (11x), slědowana wot „VINETA“ (5x) a „Na kóncu dnja“ (5x).

Naš kwis wostanje hišće chwilku online, tak zo móžeće so tež hišće
mjez hodami a nowym lětom wuspytać.

> > > Tule dźe k prěnjemu prašenju! > > >

Serbske knihi, kiž je nam Ludowe nakładnistwo Domowina přewostajiło, dobychu:
Christina Žurkec z Hannovera (»Njebjesam blisko«)
Tomaš Deleńk z Budyšina (»Na kóncu dnja«) a
Elisabeth Sćapanec z Hórkow (»VINETA«)

Našim třom dobyćerjam wjele zboža a wam wšěm žohnowane hody a bohate bože dźěćo a wopytajće nas tež dale na konopeju, hač ze swójskej twórbu abo čitajo a komentujo.