21.02.2012

Baseń z "konopeja" skomponowana

Feliks Brojer z Budyšina wudoby sej na kompozitoriskim wubědźowanju Zwjazka serbskich spěwarskich towarstwow prěnje a druhe městno. Jeho kompozicija „Wuznaće“ přeswědči čłonow serbskich chórow na mytowanskim koncerće (njedźelu 19. februara) na žurli Serbskeho ludoweho ansambla w Budyšinje, runje tak kaž znowawobdźěłana „Strowa sy Marija“, za kotruž druhe městno dósta. Baseń "Wuznaće" je wot Štefana Zarjeńka, ju namakaće tež pola nas na literarnym konopeju. 23-lětny Feliks Brojer, student cyrkwinskeje hudźby. Třeće myto dósta Sebastian Elikowski-Winkler z Choćebuza. Za wubědźowanje bu dohromady šěsć spěwow zapodatych, kotrež je chór ansambla wčera předstajił.