wróćo k přehladej

14.11.2012

»Hejsa, hody du«

»Hejsa, hody du« − nowa CD za dźěći wušła

Adwent a hody − wosebje za dźěći je to najrjeńši čas lěta. Hač při paslenju hodownych darow, při pječenju poprjančkow abo při druhich hodownych přihotach – z hudźbu wšitko lěpje dźe. Za tutón potajny čas je nowa CD „Hejsa, hody du“ z 18 znatymi a mjenje znatymi serbskimi dźěćacymi spěwami wo zymje, adwenće a hodźoch wušła. Spěwam z archiwa Serbskeho rozhłosa je Sylwija Wjeńcyna krótke zwjazowace „mosćiki“ přidała a k tomu so hodźace stawiznički napisała. Gabriela Marija Šmajdźina wě ze swojim ćopłym a měrnym hłosom dźěćom wo swjatej Borborje a swjatym Mikławšu powědać, a tež hodowna stawizna na nowym zynkonošaku njefaluje. Ze spěwami kaž „Horu horje, horu dele“, „Maći, zaswěć swěčki mi“ abo „Bože dźěćo“ móžeja sej dźěći wot 4 lět čakanje na patoržicu přikrótšić.

nowostki
terminy
spisowaceljo
dorost
citanka
erotika
kriminalki
humor
sluchatko
kontakt
impresum
 
ornament
ornament
ornament
ornament
Literarny konopej - forum serbskich pisacych
ornament
konopej
ornament
ornament
ornament
ornament