wróćo k přehladej

01.05.2008

Spać w meji měli zakazać!

… tež na literarnym konopeju! Wšako mamy tu dosć zajimawosćow, kiž ani mólički spink njedopušća. Apropos: wo tych a tamnych spinkach jedna tež naša baseń měsaca. Wjele wjesela!

Połdra měsaca na konopeju leži za nami. Wot 10. měrca hač do wałporneje nocy 30. haperleje je so 818 wopytowarjow na nim ze serbskej literaturu wokřewiło a sej dohromady 11.600 stronow wobhladało a spóžěrało. Njeje drje so telko dorosta přizjewiło, kelkož smy sej wusonili, ale wočakmy meju! Njejsmy tež hač dotal wšě naše slubjenja z měrca spjelnili, tuž mějće dale sćerpnosć a čitajće a pisajće dale. Smy tež na wšě pokiwy z wašeje strony wćipni. Štož pak móžěće nětko dawno hižo činić, su komentary. Napišće tuž k twórbam swoje měnjenje – wosebje literarny dorost budźe za kóždužkuli chwalbu a kritiku dźakowny!

Za čož pak chcyli was wšěch, lubi čitarjo a pisarjo nawabić, je naše prěnje čitanje. Wone móhło so w swjatojanskej nocy w Hornim Hajnku wotměć. Što měniće? Štó z was ma lóšt, tam čitać? Hač lyriku, krótkoprozu abo samo mału scenu – napišće nam mailku na . Mjez hatom a Brězanec łuku, „ze žabjacym koncertom a rejku soninow w kuzłokrasnej lětnjej nocy“ čaka na was literarny konopej.

nowostki
terminy
spisowaceljo
dorost
citanka
erotika
kriminalki
humor
sluchatko
kontakt
impresum
 
ornament
ornament
ornament
ornament
Literarny konopej - forum serbskich pisacych
ornament
konopej
ornament
ornament
ornament
ornament