21.03.2010

Zwuki Wotrowskeje literarneje late-night-show

Naša literarna late-night-show, kiž zarjadowachmy składnostnje swojich 2. narodnin, započa so z čitanjom Róže Domašcyneje. Wona předstaji nastaće anagramow na swójskich přikładach z knihi „My na AGRA“, kiž je w LND na předań.

Dale pytachmy PISMAWUČENEHO 2010, kiž měješe na prašenja ze swěta serbskeje literatury wotmołwić. Prěni kandidat bu Wotrowčan Clemens Škoda. Podobnosće ze znatym telewizijnym wusyłanjom, hdźež pytaja milionara, su ryzy připadne a njech prawniskich přičin dla tule prošu někomu njenapadnu :-)

Wjeršk wječora bě poetry slam, hdźež předstaji někotryžkuli swoje spontane basniske wupłody.

Jako prěni zwěri sej Daniel Rachela za pult, mjez druhim ze slědowacym rymom:

Beno Šołta zběhny tróšku moraliski porst na lince „Hdyž ju rano wopušćich …“ a „Hdyž ja jědźech z reji dom …“.

Tematisce cyle blisko jimaše so najstarši hósć wječora, Beno Budar, poetiskeho słowa.

Tež Jan Budar bě so spontanje pjera jimał, a to na linku „Hdyž ju rano wopušćich …“.

Spontanu lawdaciju wječora přednjese Franciska Rachelina:

Překwapjenka wječora bě Pětr Šołta ze swojej třistronskej basnju na moderne předmjena, kiž bě doma napisał. Wón bě na kóncu zasłuženy dobyćer našeje poetry slam.