krótki rozum?!

Matej Dźisławk - krótki rozum?!

Čitam basnje

njerozumju logiku:

kóčka je wonka,

placki su nutřka,

čilak boli,

čilak so hori,

girafy su tež mjez nami,

smorženich, smorženich

judahej!

Judahej!

Basnje njedyrbiš zrozumić

ale rozum tohodla trjebaš.

Hewak při čitanju - saperliška

a saklatefufcich,

placki bywaja dźeń a wjetše

hrěch, nalěćo, čilak

rozum zhubiš!

Judahej!