wróćo k přehladej

10.07.2014

Bus basnikow

Basnicy lětušeho swjedźenja serbskeje poezije podadźa so sobotu 12. 7. 2014 z busom na puć, zo bychu na wuznamnych městnach serbskeho pismowstwa a wot industrije wohroženeje krajiny basnje čitali a spominali na wuznamnych Słowjanow a Serbow. Bus wotjědźe 13. 00 hodź. před Budyskim hotelom Best Western, Serbske hrjebje 20, a so tam w 20. 00 hodź. zaso nawróći. Na tutych městnach su krótke čitanja a wuwjedźenja myslene: Při pomniku Cyrila a Metoda (13. 30 hodź.), Na kěrchowje w Radworju (14. 30), Při rěčce “Struga” (16. 00) a na Nepelic dworje w Rownom (16. 30). Při studničce w Róžeńće so tura zakónči (19.00). Někotre městna w busu a za serbsku swačinu na Nepelic dworje w Rownom su hišće swobodne. Tiket (30 eurow, za dźěći 20 eurow) prošu direktnje skazać pod zsw-skb@gmx.de abo pod 0177-4576695 abo w běrowomaj Šmitec jězby w Budyšinje abo Radworju.