Hodowny kwis wo serbskej literaturje
Prašenje 13/16:
Štó mjez serbskimi spisowaćelemi je jako prěni wo Indianach – wo ludźe Sioux w Sewjernej Americe – pisał?
Wotmołwa b) je prawa!
Mato Kosyk (1853-1940) wopušći dočasnje, bjez wotzamknjenja, chorosće dla Choćebuski gymnazij a poda so na wukubłanje při železnicy. Wón bě sobuzałožer Maśicy Serbskeje a redaktor Bramborskeho Casnika. 1883 wupućuje do Ameriki. Po studiju teologije w Springfieldće a Chicagu je prědar němskeje wosady w El Reno (Oklahoma). Po zwrěsćenym pospyće w lěće 1887, jako poby posledni raz we Łužicy a so tu wo přistajenje prócowaše, přesydli so 1888 doskónčnje do Ameriki, hdźež 1940 zemrě. Wosebje rjana je jeho baseń »Indianarka«.
