Hodowny kwis wo serbskej literaturje
Prašenje 11/16:
Štó ze serbskich spisowaćelow je sej swój pseudonym abo lěpje prajene swoje přimjeno we woprawdźitym zmysle słowa z lěsa přinjesł?
Wotmołwa b) je prawa!
Jakub Lorenc Zalěski (1874-1939) bě dźěd Kita Lorenca a šuler Michała Hórnika, chodźeše w Praze na němski gymnazij, bě w serbskim seminarje čłon »Serbowki« a wopušći 1891 Prahu, zo by w Sakskej karjeru w lěsnistwje nastupił. Wosta pak literaturje swěrny a wozjewi jako prěni mjez druhim hóńtwjerske powědančka, pozdźišo essaye – najznaćiša je jeho kniha »Kupa zabytych«. Nimo toho bě wobsedźer rězaka w Slepom a 1924 sobuzałožer a předsyda Serbskeje ludoweje strony.
