Ty njeby wěrił

praji wón a sliny spóžěra,

dla kajkich maličkosćow

sym so druhdy zalubował:

dla krótkeho juska w hewak hłubokim hłosu

dla nimale njewidźomneho slěbrojteho našika woči

dla drobneho dólčka w lěwym podkolenu

dla bjezmała čorneje naliki pod pažu

dla ćeńkeje wónje za amoniakom

a tych ničotow dale

a hakle naposledk dla prědkatosće

abo ze zadkarstwa