Čert bě chory

Čert bě chory smjerćchory

hižo bě kazał swojej maćeri

njenosyć ani hriby ani palenc

ani ničo ani samu sebje

Jenož holcy wustojne na jeho chorosć

tajke helske rjebła smědźachu k njemu

tidlda tidlde widl wjek wjek wjek

Za 6 dnjow 9 chorobnych sotrow

jeho lěkowachu łažachu z nim

po sćěnach horje wisachu z nim

na wjerchu kaž muchi znak

zo so jemu koža ropješe

zo jemu włosy knyskotachu

a žiłki prasnychu haj

zo so jemu wopuš próješe

rohizna kurjachu kopyto smudźeše

Na sydmym dnju zaru so wottorhny

ze žehliweho łoža čert a hela

bě fuk tón čert ju fuck

zeleše jeho jendźelsko-serbska mać