Literarny konopej
Nawigaciju pokazać

wróćo k přehladej

26.06.2011

„Čorny lěs“ wuskušili (fota a zwuki!)

K 4.razej přeprosy literarny konopej – forum serbskich pisacych w swjatojanskej nocy, zašły pjatk na čitansku nóc do Hornjeho Hajnka. Kaž hižo zašłe tři razy, wočakowaše lubowarjow serbskeje literatury tež lětsa zaso wosebitostka. „Směće zaso jónu wćipni być na premjeru, dźensa samo prapremju“ witaše Madleńka Šołćic, iniciatorka literarneho konopeja hosći na Budarjec dworje. Serbska spisowaćelka Lubina Hajduk-Veljkovićowa z Lipska čitaše ze swojeho manuskripta „Čorny lěs“. Kniha, kiž je zdobom prěni serbski fantasy-roman, wuńdźe w nazymje w Ludowym nakładnistwje Domowina. Stawizna jedna wo dwěmaj hólcomaj, kiž prěni raz samaj pod hołym njebjom přenocujetaj. Po puću do lěsa přeprěčitaj zakazanu hranicu do mócnarstwa Čorneho pana. Čitajo a pućujo podachu so hosćo a awtorka po ćmičkanju do bliskeho lěsa a předstajichu na wubranych městnach markantne wurězki z romana. Tež lětsa buchu hosćo do sceniskeho čitanja zapřijeći, někotři přewzachu nošne role a wšitcy zhromadnje běchu wojacy Čorneho pana. Zwukowe efekty Michała Cyža z Budyskeho SAEK skulojćichu literarny dyrdomdej, kiž bu spěchowany wot Załožby za serbski lud.

> někotre fota našeje 4. swjatojanskeje čitanskeje nócy

Praktikantka SAEK, Borbora Zyndźic ze Smochćic je za nas čitanje nahrawa a najlěpše wurězki střihała. Wutrobny dźak!

Awtorka sama zahaji jako powědarka wječork:

Bórze podachu so Stefan a Matej na puć do jeju dyrdomdeja:

Při čertowej wudrjeńcy dósta Matej prěni raz strach:

Přitomni běchu mjeztym do lěsa podali, jako jewi so Čorny pan:

Jako poslednju scenu rozmołwjachu so dźěd a wnučka wo potajnej hranicy:

nowostki
spisowaceljo
dorost
citanka
erotika
kriminalki
humor
sluchatko
kontakt
skitdatow
impresum
ornament
ornament
ornament
ornament