Literarny konopej
Nawigaciju pokazać

wowka a wnuk

                                                          (Bernadeta Kubicec - 1978)

 

Čehodla ty chodźiš w tutej drasće?

                                                                Serbow drasta narodna to je.

A kak twoja rěč mi klinči njeznaće!            

                                                                       Rěč to serbskich ludźi je. 

Kak tomu, zo ja serbsce njerěču?

                                                            Tebje njejsu wučili tu moju rěč.  

A čehodla rěč twoju njewučichu mje?

                                                            To so prašej jeju, to bě jeju wěc.

 

 

Wowka, kak klinča waše spěwy?

                                                                  Jednore su, ale rjeńšich njej.

A štó spěwa nětko tute spěwy?

                                                           Serbja dobri spěwaja, kaž něhdy.

Čehodla mje spěwać njewučichu?

                                                    To ja njewěm, wonaj staj rad' spěwałoj.

Powědaj, kak běštaj wonaj tehdy?

                                                    Z dušu serbskej staj spěw přednjesłoj.

 

 

Mataj wonaj serbsku dušu hišće?

                                                                 Hólče, njewidźu do wutroby.

Praj mi sprawdu, běštaj dobraj Serbaj něhdy?

                                                         Synko, ty ćežke stajiš mi prašenje.

Kelko Serbow je da hišće na swěće?

                                                             Łužica jich wjele ma, mój luby.

A kak rěča woni, w jich maćeršćinje?

                                                                 To zaleži na jich charakterje.

 

 

Wowka, kajcy su to ludźo - Serbja?

                                                           Přećelni a hospodliwi, wjesołi.

A kak dołho Serbow hišće budźe?

                                                        Čas jich postajeja sami Serbja !

                                                            

nowostki
spisowaceljo
dorost
citanka
erotika
kriminalki
humor
sluchatko
kontakt
skitdatow
impresum
ornament
ornament
ornament
ornament