Literarny konopej
Nawigaciju pokazać

Dobre ranje a spiće strowi

- hrónčka za dźěći -

 

I.

mučnota tči jenož hišće w knysku

małeho lěweho porsćika.

włosy su hižo dawno wuspane.

jenož wóčce njejstej přezjednej,

zo stawać matej z radosću.

nósk zhrěty wot rańšeho słónca je

a łoskota cuntawy.

zywanje wućěri poslednje nócne spanje

a huba wupraji wšědny dar:

„dobre ranje“.

 

II.

słónco wućěri zerja

a łoskota dźeń.

wutroba hejata je

a potom tola zesłabnje,

zo by šibale so noweje mocy nasrěbała.

nawalna wćipnosć nasrěba so wědy dnja,

doniž nasyćena njewodychnje.

pryzle rozwólnje sej zahrajkaja

z jaknymi pikatymi mysličkami

doniž so wšitkim bańkam njezamunkoli,

stawčkam njezamjaknje.

a

časnik wottikota dźeń.

 

III.

hembjerki wodychnu,

pryzle domčk swój du,

hłójčka bubota,

wóčce spinkać chcetej

a wušce hižo dawno hłowu wěšejtej.

nósk zachrěni,

hubka sucha je

a jenož hišće pišpota

„chcu do łoža”.

nowostki
spisowaceljo
dorost
citanka
erotika
kriminalki
humor
sluchatko
kontakt
skitdatow
impresum
ornament
ornament
ornament
ornament