Mój krótki zymski dźeń

prudźiš jantarowe swětło

twój módry sćin rosće

mjez trawu nabruń płowej

chowaš kosmy swojich

zwěrjatow w polu

a wulke woči njewustupuja

z dólčkow

daš na štomach jemjeli płodźić

woškrot a sněhi

škropawe sčiniš

a skradźu dychaš

do lódzymnych rukow

błyšć na lěsćinje sy

a zabarbiš wjerbu

zo mylić njecham

dalši wotběh

a starać chcu so

zo njenapadnu

kaž stopa

so póduše pušći

lochko